حلمت إني في أوضة مليانة عفش، وفيه كائن فوق العفش عبارة عن خيط اسود بيتشكّل في هيئات مختلفة، وفيه كائن تاني برضه عبارة عن خيط اسود بس شكله بسيط ومش معقّد. الكائن الصغير ده لازم يستخبى من الكائن الكبير ويغافله لحد ما يمسك حتة من خيطه ويبدأ ياكلها فـ يكُرّ الكائن الكبير ويلتهمه. بعد ما الكائن الصغير يلتهم الكائن الكبير، يرجع الكائن الكبير يظهر تاني بهيئة وشكل مختلفين (أرنب مثلا)، ويرجع الكائن الصغير يغافله ويلحقه بين قطع العفش علشان ياكل طرف منه ويكُرّه ويلتهمه، وهكذا استمرت الملاحقة بين الكائنين، ثم إني في الحلم صحيت من نومي واكتشفت إني كنت باحلم وقعدت أحسب كام مرة حصلت المطاردة والالتهام، وبعدين صحيت.
No comments:
Post a Comment