حلمت إني قاعدة في كافيه مع ناس، وقاعدة قدامي ست عجوزة جدا مابتتكلمش، وأنا باحاول أتكلم معاها وهي ساكتة. فهمت من الناس اللي معايا في القعدة إنها ست يهودية من أواخر اليهود اللي فضلوا في مصر. فضلت أحاول أتكلم معاها لحد ما بدأت تتكلم وتقول حاجات مقتضبة. بعد شوية كان لازم أمشي، بس قلت قبل ما أمشي أتصوّر معاها. وقفت جنبها وقرّبت لها وفتحت تليفوني عشان آخد صورة، لكن الكادر مكانش بيضبط. في الآخر خدت صورة كيفما اتفق ومشيت.
No comments:
Post a Comment