كان بقالي مدة أنام محلمش، وبعد يوم طويل ومرهق ومليان إنجازات كتيرة صغيرة في الشغل والبيت وبره البيت (وهكذا أيام مابتتكررش كتير)، رأيت في المنام أحلام كتيرة، فاكرة لقطات منها، بس أهمها لقطة ماشية أنا فيها على شط اسكندرية مع صديق وسط نوّة والشمس طالعة، من أول سعد زغلول لحد القلعة، وعلى ما وصلنا ناحية القلعة كنت تعبت، فقلتله متعجبة بصوت عالي لا يخلو من البهجة المفرهدة: "ده أنا حاسة إن المشوار كان طويل مع إننا مشينا بس نص الهلال! أمال لو كملنا للمكس والمينا؟ أيوووه! دي اسكندرية كبيرة قوي!"
وحشتيني يا اسكندرية، والنداهة تقريبا بتقول لي إني لازم أروح المكس :)
